Alegría-Dulantziko Udala

Joseba Koldo Garitagoitia Odria alkate jaunaren dekretua enplegua egonkortzeko prozesuen oinarri orokorrak eta zehatzak onartzeko

Alegría-Dulantzin, 2022ko azaroaren 25ean, 14:00etan, Joseba Koldo Garitagoitia Odria alkate jauna bere bulego ofizialean Vanessa Domínguez Casal idazkari andrearekin bilduta, enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legea kontuan hartuta.

Aintzat hartuta Alegría-Dulantziko Udalak 2022ko maiatzaren 4ko osoko bilkuran enplegua egonkortzeko onartutako enplegu publikoaren eskaintza, 2022ko maiatzaren 27ko ALHAOn (61. zenbakia) argitaratua.

Ebatzi dut:

1) Lanpostuak egonkortzeko prozesuen oinarri orokorrak eta zehatzak onartzea:

Oinarri orokorrak : I. eranskina

Funtzionarioak: liburutegiko laguntzailea; C1 taldea (II. eranskina)
administraria; C1 taldea (III. eranskina)

Lan-kontratudunak: musika-eskolako irakaslea; A2 taldea (IV. eranskina)
mantentze-lanen arduraduna; C1 taldea (V. eranskina)
kultur etxeko informazio-zerbitzua; C2 taldea (VI. eranskina)
udal-eraikinen arduraduna; AP taldea (VII. eranskina)
garbiketa- eta mantentze-lanetako langilea; AP taldea (VIII. eranskina)
ikastetxeko mantentze-lanetako langilea; AP taldea (IX. eranskina)

2) Hautaketa-prozesurako deialdia egitea eta oinarrien testu osoa webgunean, egoitza elektronikoan, ALHAOn eta BOEn argitaratzea.

3) Hautaketa-prozesuan onartuak izateko eskabideak aurkezteko epea amaitutakoan, onartuen eta baztertuen behin-behineko zerrenda onartzea eta Udalaren egoitza elektronikoan, webgunean, argitaratzea, ahalik eta zabalkunderik handiena izan dezan, eta baztertutako hautagaiei 5 egun balioduneko epea ematea, iragarkia argitaratzen den egunetik aurrera, erreklamazioak egiteko edo baztertuak izatea eragin duten akatsak zuzentzeko.

Ebazpen hau osorik irakurri ondoren, alkateak berak egina eta onartua, eta egintza beraren bidez 14:00etan ebatzia, nik, aipatu idazkariak, akta hau idatzi dut, zeina udal-agintariak eta bertaratutako funtzionarioak sinatu dugun, eta horren guztiaren fede ematen dut.

Alegria-Dulantziko Udala, 2022ko abenduaren 1a. Alkatea, Joseba Koldo Garitagoitia Odria.